[12:33 PM 22‏/5‏/2014] فهدبن ناحل: قصيدة بدر سعود الظاهري بمناسبة تكريم الشاعر راشد السحيمي من اعداد فهد محمد بن ناحل تصميم مبارك وازن البشري
[12:33 PM 22‏/5‏/2014] فهدبن ناحل: هلا بالشعر من عقب المغيبه
يجيب الجزل من طول مغيبه
تجمل ياقصيدي في حضورك
حضورٍ مايجمل ويش ابيبه
عسى ربي يكافيك المصايب
غيابك يعتبر عندي مصيبه
ليا من برهن الحربي وقوفه
وشبت نارها حرب الحريبه
اجي بالحالتين اللي تبيها
على ظهر القصيده والنجيبه
اجي شاعر وقبل الشعر حربي
سيوفه من خلقها الله عطيبه
سلام الله سلام الله عليكم
عدد مالانت الشرد الصعيبه
يقولون الوعد لا حان سلم
وانا سلمت ياحرب العريبه
وجيت اسوق قاف ٍقبل جبره
ت**ر بالخفوق وفاح طيبه
مثل فوح الهلا بالحفل هذا
من صدور ٍ هلا منها رحيبه
الا يامرحبا في كل عاني
بعيده خطوته والا قريبه
قبيلة حرب مسروره ترحب
بكم في كل حب وكل طيبه
تكرم نجمها المعروف : راشد
وذي ماهي على ربعه غريبه ..
قبيلة حرب من ربي خلقها
وهي **ن المهمات العصيبه
تطول بفعلها روس السحايب
وتهدي للقمر ، شي لمغيبه
وتشرق كل شمس بفعل حربي
قبل تطلع ودلوه في قليبه
يتله للمراجل من نهاره
ولا يمسي قبل ياخذ نصيبه
لأنه شارب ٍ كل المراجل
طفل قدام لا يشرب حليبه
ليامنه فعل ماقال انا اللي
هو اللي يجبر الفعل ايحكيبه
ثلاث المعجزات شلون صارت
سوال ٍ وافتخربه يوم أجيبه
يقول ابن رشيد بعرض قافه
بعد ماهاضته حاجة طليبه
ماغيره في زمانه ابن ناحل
عطا من غير لايملك **يبه
وخذ عندك على حفظ الامانه
مثال ٍ كل ابونا نقتديبه
عقب مافضل الموت البلالي
دخيل الموت عن شي ٍ يعيبه
لجل يحفظ لمن وصت : ولدها
وهو ماهوب منه ولاقريبه
واخذ منا الخوي ميزان قدره
عقب قصة نويشي مع صحيبه
وغيره من فعايل حرب لكن
على التاريخ والشاعر تعيبه
لو اذكرها يبيلي عمر ثاني
قبل مالقاف يعلن عن مشيبه
سلام الله وحاضرنا مشرف
وصلى الله على محمد حبيبه
يقولون السيوف اللي تواعد
بقص الروس، من مده صويبه
تقول ان بشروها براس حربي
تعيي حرب عنه ولا تجيبه
لأنا لا وقفنا واجتمعنا
نروم الصعب و نسيل شعيبه
نحب السلم وقت السلم لكن
ماهو معناه نرضى بالغليبه
ولا انقص بالفعول وبالقبايل
ليا عدى على الفعل الرقيبه
سمعنا بالفعول وفي اهلها
وكل ٍ قد اخذ منها نصيبه
هلي يافخري وياتاج راسي
لكم مع طلقة العبرود هيبه
تنادوني بدر واقول حاضر
ماعمر البدر طول في مغيبه
لو ان اللي مضالي من غيابي
له اسبابه وله وصفة طبيبه
"قصايد حرب مامثلك قصايد"
لك البراق والوبل وصبيبه
وقاف ٍ قبل مااسوقه واسلم
ت**ر بالخفوق و فاح طيبه ..!

ابو ناصر الحربي (مبارك البشري)Google إجابات


أكثر...