كرهت المدرسة بسبب؟

السلام عليكم ورحمة الله و بركاته كلنا تقريبا نكره الدراسة بعددة اسباب بقولكم انا اسبابي و كل واحد بقول سببه انا حاليا باول ثانوي انا الحين كااره المدرسة بشكل ماتتصورون والله اني اتمنى امرض عشان اغيب السبب الطلاب و المدرسين يجيك بعض الطلاب مسوي نفسه انا الزاحف مقطع الزحف يطقطق عليك و يهايط و اذا ماعطيته وجهه يحسبك رخمة مايدري انها لو طقت براسك توصلها للمحاكم وتدوس على خشمة لكن الواحد يبعد عن المشاكل و بعض المدرسين للاسف يعاملك على حسب وجهك و على حسب قبيلتك يعني لو انت حلو عطاك درجات و اذا عادي مايعطيك الا تبن اما لاصرت من قبيلتة ولا ديرته حطلك الدرجات كاملة ولا الوكيل اللي يرفع الظغط يرفع صوته عليك و يمد يده يحسسني انه ظابط تراك وكيل منتب ظابط و بعض المدرسين مدري كيف صار مدرس مايعرف يفهم و اذا ماحليت زيين قال انت ماتفهم انت حمار و مدري ايش حبيبي والله مالحمار الا انت اذا 80% من الطلاب مافهمو تصير المشكلة منك موب مننا و الوكيل الله لا يوفقه يخلي نص المدرسة تستاذن وانا لاجيت بستاذن قال ضف وجهك اقوله ليش فلان و فلان يقول مالك دخل انا ما استاذن اللا بعض المرات اذا الحصة الاخيرة بدنية وبعضهم يستاذن الحصة الخامسة و يمشيهم يعني ليش كل الحقد علي انا وش سويت لك و انا مسؤل عن اخواني مدارسهم بعييده وكم مرة صدري يوجعني للان فيني ربو اقوله بستاذن يقول مافيه ليش طيب والله اني ادعي عليه بصلاتي الله لا يوفقه جعله يدخل تحت تريلا و اذا تاخرت عن الحصة دقيقه وقفني للين الفسحة لييش ولا يوقف الا انا انا ما اتاخر للا عشاني اودي اخواني مدارسهم بعيده الله لا يوفقه مدري وش اخلي بعد و المقصف اكرم الله النعمه ماودي اقول شي كلكم تعرفون يشهد الله ان الرياضيات و الكيمياء و الاحياء و الانجليزي 80% من الطلاب مايفهمون منهم حرف انا ان شاء الله اخر سنة لي بذا المدرسة والله اني اول احبها و ما اغيب بالسنة الا 7 ايام بس وش نسوي اسم المدرسة امجاد قرطبة بحي الرياض نصيحة ابعدو عنها يوم الخميس رحت للمدير بستلم التقرير اسمعه بالتليفون يقول ان المدرسة قلو اللي فيها يقول اكثر من النص راحو منها وش السبب ودي اقوله الاسباب بس اخاف يكرشني المدير افضل مدير قابلته بس اللي تحته كلهم خرطي فيه اشياء ثانيه كثير بس هذا الملخص والله باقي شوي و نعطل بس اني ماقدر اتحمل مدري وش اسوي والله ان نفسيتي صايرة ***

ABO-YOUSEFGoogle إجابات-العلاقات الإنسانية-العالم العربي-الإسلام-المدارس


أكثر...