حتى ابو الهول ... شبيح

لك انتو من وين بدكن تجيبو متل سيادة الرئيس ؟؟!
لك شخاخته دوا سعلة ... لك الفراعنة من زمان عارفين قيمته .. وانتو منكن فهمانين قيمته

!! س: كيف بقى ؟

!! ج: شو منك شايف أبو الهول ؟؟ منو أسد ؟؟ ولا أرنب هذا آه ؟؟؟ لك حتى الفراعنة عامليله تماثيل ... الفراعنة كانوا مكتشفين أمريكا من زمان وعاملين طيارات والناس لسا ما تركب جحاش لك قرد انتو آبتقرو تاريخ انتو

س: يعني هو فرعون ؟

ج: لك هو الفراعنة كلن كلن عيلة وحدة ... شو مفكر لكن ... بس انتو آبتقروا التاريخ

س: يعني مذكور بالقرآن ... الفراعنة كتير مذكورين بالقرآن

ج: هلق بلشت تفهم هنت ... يعني بدها كتير تفكير ؟؟؟ لك أبو الهول أسد ... وكان رئيس ... وعامليله تمثال ... وانتو لسه متشككوا فيه

س: والله ما خطرتلي بتعرف ... دخلك والأهرامات مين دافنين فيهم

؟ ج: أكيد شي بطل من الأبطال اللي وقفوا ضد اليهود

س: اليهود يعني قصدك النبي موسى مهيك ؟

ج: كان يهودي ماكان يهودي ؟؟ هلق صار يعني ان كان النبي من عندن بدنا نحبن ؟؟

س: لا بس أنه يعني كانوا على شرع الله

ج: ماني ماقلك انتو آبتقروا تاريخ ... آبتعرف أنه الفراعنه بيعرفوا الله من قبل كلكن ما تسمعوا فيه

س: معك حق فيها ... طيب لازم الناس تعرف أنه حتى الفراعنة عملوا تمثال لسيادة الرئيس الأسد ...

ج: لازم والله ... خلينا نحكي مع تلفزيون الدنيا يعملوا تقرير

س: ومنحكي مع البوطي كمان يلاقي فتوى هو والحسون ... لأنه بالقرآن كله لعنات عالفرعون وأهله ... مابدك الناس تطلع تكفر الرئيس ... انه *** ملعون

ج: ليك .. مو ربك قال انه من شاء فليؤمن ومن شاء فليكفر

؟؟ س: ونعم بالله !

ج: خلص ... **** ربن ما يصدقوا ... شو ... منقتلن كلن يعني حتى يصدقوا !! قال حرية قال ... ربك قال من شاء فليؤمن .. ومن شاء فليفكر .. وهنن ميكفروا .. شو يعني منقتلن كلن ؟؟!!

س: لا أكيد .. بدهم حملة توعية .. صار بدها مجموعات سياحية يطلعوا عمصر والاهرامات لكن .. بدها تشجيع

ج: شو مفكر لكن ... طبعا لازم يطلعن

س: ونكتب على حدود مصر ... من منجزات الحركة التصحيحية

ج: والله لازم ... منجزات الحركة التصحيحة ... وسيادة الرئيس

س: ايه عراسي انتي وأبو الهول يا سيدي

ج: الله سورية أبو الهول وبس

syriِan man (syrian man)التاريخ-سوريا-العالم العربي


أكثر...