قلبي للبيع

اللي يبي قلـبـي ترى القـلب للبـيع
حـتى ولو يـشـريـه بـالـديـن مـاشي
قلب ٍ نظيف ٍ مـا يبـي زود تلميـع
ابيض خفاء فيـه النقـاء لون شاشي
وفيه الوفاء والصدق عيون ٍ منابيع
وفـيه المروة والشهـامـه مـنـاشي
واشرط عليـه البيـع مـن دون ترجيـع
ويشرط علي الدفـع ماهـوب كاشـي
والسبـه اللي راح مـن غـيـر تـوديـع
اقفـى وخـلاني عـروقـي عـطاشـي
الـي نـحت بالقـلب عـشرة تـواقـيـع
واللـي حكم قلبي مـثـل حكم فـاشـي
لامن ذكرتـه ولـع الـقـلـب تـولـيـع
لين العقل مـن زود ما اغليـه طاشي
لـيـت الـغـلا ما بـيننا بـالتـوازيـع
وليته حكمني مـثل حـكـم النجـاشي
ياقـلب ما بعـتـك ابـي بـك منافـيـع
ويـاقـلـب ما بـعـتـك ادور مـعاشـي
يامـا نهيـتـك عـنه جـهر ٍ وتسميـع
الـى مـتـى ياقـلب وحـنا هـواشي
اتعـبـتني يـاقـلب بـكـثر الـتـلاويـع
وعيـفـتـنـي يـاقلب لذة فراشي
ورميتني بحـلوق نـاس ٍ مطاميع
وخليتـني ما بـيـن عاذل وواشي
اما تـتـوب الـيوم يـاقـلب واطــيع
والا قسم بالله بــعـتك بـــلاشـي

IOIYASSERIOIGoogle إجابات-الحب


أكثر...