التحويل من 2 ثانوي ادبي الي 3 ثانوي علمي

سلام عليكم
ارجوكم تاخدوا الموضوع بجدية لأنه هيحدد مستقبلي ..
المشكلة باختصار شديد ان انا دلوقتي في 2 ثانوي ..
و وقت تحديد الشعبة كنت غبي و عديم المسئولية فاختارت الادبي علشان اسهل بالنسبالي (مع اني بحب معظم مواد العلمي و انا احسن واحد بيحل في درس الرياضة ! ) ..
بس لما فكرت بجد و عقلت لقيت اني كده هضيع نفسي لأن مفيش كلية في الادبي شايف اني بحبها او انفع فيها ..
و دلوقتي طبعاً الامتحانات خلاص يوم 5/5 .. مفيش اي طريقة اني امتحن تانية ادبي عادي زي ما انا و في سنة تالتة احول علمي ؟ ( و عرفت من المدرسين ان المواد مش متراكمة .. و الرياضة انا كده كده خدتها و انا ادبي)
يا ريت لو فيه حل يبقي خدمتوني خدمة العمر و الله ..
شكراً و اسف علي الاطالة.

بدون اسمالتعليم الثانوي-Google إجابات


أكثر...