هل هناك تشابه بين الاسلامى واليساري؟

أوجه تشابه بين اليساريين والإسلاميين (وتقدر تقول كل الأيديولوجيين والدوجماتيين):
1- الإسلامي بيظنك مش عايز حكمه علشان عايز تنغمس في الشهوات، واليساري بيظنك مش عايز حكمه علشان عايز تستغل الكادحين ولا تأبه لمعاناة البشر.
2- الإسلامي كثير الاقتباس من أشخاص ماتوا وهلكوا، واليساري كثير الاقتباس من ناس ماتوا وهلكوا.
3- الاتنين بيعدوك بيوتبيا ما حصلتش هتحل كل مشاكل الواقع المعاش، والاتنين لما جربنا كلامهم عشنا في جحيم.
4- الاتنين هتسمع منهم العيب في التطبيق مش العيب في النظرية. وإن التجربة حادت عن الإسلام\المار**ية الحقة!
5- الاتنين في الغالب هيشتموك لما تختلف معاهم.
6- اليساري بيحط صورة جيفارا، والإسلامي بيحط صورة خطاب أو بن لادن.
7- شيخ الإسلام بن تيمية والرفيق لينين.
8- الاتنين بيشتموا في الواقع الحالي، والاتنين عايشين على خير الواقع الحالي (داعية الفضائيات، ومناضل ال iPhone).
9- اليساري يقولك السويد تجربة يسارية ناجحة! والإسلامي يقولك تركيا تجربة إسلامية ناجحة!
10- الاتنين عاملين زي الأميبا. لو جبت إسلامي واحد هينقسم على نفسه ويطلعلك واحد سلفي جهادي وواحد سلفي علمي. ولو جبت مار**ي واحد هيتقسملك اتنين واحد ماوي وواحد تروتسكاوي!

alex_ghost (alex ghost)Google إجابات-العلاقات الإنسانية-الأديان والمعتقدات-العالم العربي-الإسلام


أكثر...