ماذا يحدث لو كان كريستوفر كولومبوس إتجوز مصرية !؟

هل تعلم ان لو كان (كريستوفر كولومبوس) متزوجاً مصرية ما كانش اكتشف اميركا !
و الدليل: رايح فين ؟ رايح مع مين ؟
رايح ليه ؟ ازاي هتروح ؟
افرض المركب غرقت حاعمل انا إيه بالعيال؟؟؟
اشمعنى انت بالذات اللى لازم تكتشفها يعنى ؟ ليه يا ربي كل المكتشفين مدلعين ستاتهم، وانتا مشحططنى معاك ؟
طب أروح معاك؟
طب امتى هترجع؟
يعنى هتيجي الغدا؟ ولا لا ؟
أومال انا طابخة البامية لمين؟
إياك بقى ماتردش عليا، او تقولى مفيش لبس حلو هناك ...انت حر..
هتجبلي إيه معاك؟
دا واحدة صاحبة ماما بنتها اتجوزت ماجلان
اول ما اكتشف رأس الرجاء الصالح
جابلها الراس وهو جاى
ازاي تأخد القرار ده من غير ماتعرفني اصلا ؟طبعاً .. مانا طرطورة فى البيت؟
مش ملاحظ ان مشاويرك كترت الأيام دي ؟
الجواز مسئولية يا استاذ
ولا حنيت لأيام الصرمحة ؟
.. طب وانت مالك ومال أمريكا ؟
وبعدين طنط سونة "صاحبة ماما" بتقول إن مفيش حاجة هناك أصلاً ،
أصلي انا مش فاهمة طلعتلي منين بحكاية أمريكا دي ؟ .... انا بختى مايل كده طول عمرى ياربي ،
اكيد واحدة حاطط عينك عليها هناك .. وعامل موضوع الاكتشاف ده لعبة عشان تقابل الست هانم بتاعتك ! مش كدة ؟
( أكيد ) بعد كل ده .. كان جواب كريستوفر كولومبس:
( أبو أم أمريكا على اللي عايزين يكتشفوها) ..
عليا النعمة مانا رااااااااايح ...
هاتى البامية خليني " أطفح " وأتنيل علي عيني
الزوجة: شفت بقى؟؟؟ عاجبك انت كدة؟
أهي البامية اتحرقت من كتر الرغي بتاعك ....
" يللا هاتلنا بيتزا "

mokhlisالعلاقات الإنسانية


أكثر...