التشابهات ال 10بين مرسى و السيسى ؟ عشان كده هنتخب حمدين

التشابهات العشرة بين السيسى و مرسى ؟
التشابه 1
كلاهما من مجتمع منغلق و شايفينه أحسن من بقية مصر. مرسي كان يتحدث مراراً على انه يا ريت مصر كانت تبقى زي الجماعة في سلوكيتها وتنظيمها.
السيسي أيضا بيتعامل معنا على ان دولة الجيش الشقيقة هي مثال للالتزام يا سلام لو مصر تبقى زيه
التشابه 2 :
كلاهما لديهم مشروع انتخابي وهمي
محمد مرسي جه بالفنكوش (المعروف بمشروع النهضة)
أما السيسي فهو لم يسمي مشروعه حتى و تحدث بصراحة لأنه ليس لديه مشروع حقيقي.
وكل من استمع الى حديثه يدرك ذلك جيداً (حتى لو كان من حملته ويُكابر).
التشابه 3 :
استخدام الدين والأخلاق كأداة سلطوية في يد الحاكم
بالطبع مرسي وجماعته استخدموا الدين كأداة سياسية.
أما الممتع بقى ان السيسي أيضاً يستخدم الدين والسلطة الأخلاقية وكأنه سوف يُربي الشعب !
التشابه 4
مرسي يحتمي في جماعته اللي دَخلهم في مفاصل الدولة... السيسي يحتمي في الجيش
التشابه 5
الاتنين بيتعاملوا مع الشباب على انهم "طاقة ووقود هذا البلد".
الشباب حول العالم بيقود ويغير دول
وهمّ الاتنين شايفينا طاقة ووقود عشان البلد - اللي هم يقودوها - تتحرك!
التشابه 6
رؤيتهم ان أمثل حل للاقتصاد هو تقشف الشعب و التوقف عن الشكوى أو التظاهر تحت شعار " أجيبلكم منين؟! "
من نفس المصادر اللي بتخليكم تبنوا فيلل و Compounds في التجمع والساحل وغيره !
التشابه 7
و الإثنان انصارهم معادين لآخر
انصار الاخوان يكفرون المعارضين , معارضينهم كفرة
و انصار السيسي يخونون المعارضين , معارضينهم خونة !
و كلاهما يستخدم السخرية و الشتائم و المكايدة و الاحتقار
التشابه 8
انتخابهم عصر للليمون و للخوف !
الاول خوفا من عودة نظام مبارك
و الثانى خوفا من عودة نظام الاخوان
الاتنين انتخابهم عصر للليمون!
مرسي ناس انخبته عشان اتقاء شر الح** الوطني.
السيسي الناس حتنخبه اتقاء لشر الاخوان.
المضحك ان كلاهما محافظ متعنت لا يريد تغيير حقيقي...
واحد بصنف نفسه بهوية دينية ثم الوطن
التاني بيصنف نفسه بالوطن ثم الدين
.... شعارات ... لا توجد خطة فعلية !
التشابه 9
كلاهما يتظاهر بالعداء للغرب , و الاعتماد على منح من الخليج
الاتنين أدواتهم الاعلامية تشتم في الغرب وأمريكا
و أول ما يتسألوا عنهم في لقاء اعلامي تختفي نظريات المؤامرة ... والمصالح تتصالح.
التشابه 9
كلاهما ظهر صدفة نتيجة الاحداث وغير معروف تاريخة

mohadegypt (Mohad Lotfy)Google إجابات-العلاقات الإنسانية-عشان كده هنتخب حمدين


أكثر...