إن شاء الله ألاقي حدا فهمان صاحي هلا :(

مرحبا.. أولا بتأسف لانو افكاري ملخبطو ولو في اخطاء بالكتابة مع السرعة، ثانيا رح اضلني انزل السؤال لالاقي جواب يفشلي قلبي :(
أنا طالبة جامعية، مثقفة وبنت عالم مناح، ومحجبة..
في معنا شب بالجامعة محترم والدكاترة كلهم بمدحوه لانو شاطر، اجتماعي كتير..
أنا خجولة كتير من الشباب، لانو ما عمري تعاملت مع شب بحياتي.. هلا احسن من قبل، لانو تعودت بالجامعة وبالتدريب اتعامل بس بشكل رسمي أكيد.. أما شباب الدفعة فبعمري ما حكيت مع حدا منهم..
المهم هاد الشب هلا رح يتخرج مع انو قدنا.. بس سبق الكل بعدد الساعات.. من واحنا سنة 3 بالجامعة صار يحسسني انو مهتم بنظراته دايما.. بس أنا كنت ما اعطيه وجه بالمرة.. ما كنت اعرف اسمه حتى.. حسيته زعل.. بس رجع بعدها يعمل هيك.. أكيد حس انو أنا خجولة.. يا جماعة أنا بعرف إنو بحبني.. لما بشوفني بتلبك كتير مو شوي والله مع انو شخصيته قوية.. عادي بتعامل مع بنات بس أنا مو مسترجي يحكي معي، لاني متل الحيط معو.. بعرف انو بحبني لا تحكولي كيف عرفتي، انا متأكدة والله، وانا كمان برتاحلو وبتعجبني شخصيتو، حتى شكلو بشبه شكلي بس هو ملامح شب وانا ملامح بنت..

أنا من جوا مرتاحتلو بس خجلي ببين إني متل الحيط معو من برا، أكتر من مرة تيجي عيني بعينو وألف وجهي على طول (من الخجل بس ببان علي الجدية وإني مش معبيرتو بالمرة أو شايفة حالي) وبحس انو ان**ف :(

متضايقة.. أنا بحاول أتناساه، بس هيك مرات بيخطر عبالي بطريقة غريبة وما بقدر اشيلو من بالي، متل هلا!! مو راضي يروح من بالي :(

شو أعمل.. هو كتير محترم وما بستاهل إني هيك عملت.. ولا انا بستاهل اني هيك أعمل بحالي.. من حقي الاقي اللي يفهمني.. طبعا ما رح اتجاوز أمر ربنا، وانا عارفة إ،و نيته منيحة.. لانو محترم وسمعته متل المسك بالكلية :(

بدون اسمGoogle إجابات-العلاقات الإنسانية-الحب-الإسلام


أكثر...