الله يدخلكم الفردوس ساعدوني مشكلتي مع شاب لا اعرفه

قصتي بدت من سنه لما دق على جوالي واحد حيوان يبي يتعرف.كنت اقفل في وجهه واطنش. واستمر فتره يدق ويرسل. قفلت جوالي فتره وأول مافتحته رجع يدق ويرسل رسايل حب وغرام. قلت لأبوي عن السالفه ورد عليه وهزأه.وقام الرجال يتأسف من الوالد ووعده انه مايدق.>>>
>>> صدق ابوي واناصدقت وقلت الحمد لله افتكيت منه. مرت يومين مادق وفي اليوم الثالث أرسل رساله. مكتوب فيها....{يافرح يابنت خالد ال؟؟؟ لاتحسبيني خفت من تهديد ابوك اللي مايسوى جزمتي وحسابي معك ان شالله عسير ولوسويتيها مره ثانيه وعلمتيه بورطك وبقول اني اعرفك.ومثل ماطلعت اسمك كامل وعرفت كل شي عنك أقدر أوديك في ستين داهيه انتي وابوك}
>>>>>>
>>> خفت بصراحه كيف عرف اسمي خصوصا الجوال مو بإسمي وايش يبي مني بالضبط يعني أول مره احد ينشب بهالشكل بالعاده لماأحد يزعج اقفل في وجهه كم مره يملون وماعاد يدقون وقررت أغير رقمي وأرتاح. كلمت ابوي يغيرلي رقمي وتحججت اني ابي شريحةسوا أحسن من الفواتير. غيرت الرقم. وبعد اسبوع ارسل رساله على رقمي الجديد. {طيب يافرح يعني تبين تتحدين؟}
>>>>>> انا حسيت لماشفت الرقم كأن أحد كب على راسي مويا مغليه. كان يدور براسي السؤال كيف جاب رقمي الجديد والأهم ايش يبي بالضبط؟>>>
>>> قمت وأرسلتله رساله وياليتني ماأرسلت . كتبت فيها {انت مين وايش تبغى مني وليه تسوي كل هذا؟ احد مسلطك علي>>>
>>> رد {أنا محد يتحداني وانتي اتحديتيني ودام انك مارضيتي بالطيب نجيبك بالقوه} رميت الجوال وصحت حسيت اني في فلم او يمكن حلم مزعج.. اناعمري ماأذيت أحد بحياتي ليه يصيرلي كذا وايش الذنب اللي سويته عشان استاهل كل هذا. قررت أقفل جوالي وماافتحه لمدة شهر.وفعلآ قفلته.>>> بعد اربع ايام بالضبط رن جرس بيتنا في وقت متأخر يوم فتحت الشغاله الباب مالقت أحد ولقت كيس فيه أغراض وورقه مكتوب فيها أغراض خاصه لفرح. جابت الكيس وعطتني استغربت مين ارسلي هالكيس وايش اللي فيه؟ لقيت فيه دفتر وجنبه علبه صغيره.فتحت الدفتر لقيت مكتوب فيه كل المعلومات عني وعن أهلي ومكتوب في الصفحه الأخيره. {اناحطيتك براسي يافرح.. انالما احط براسي شي لازم اوصله مهما يصير..اعتبريه تهديد.. وترا لوقفلتي جوالك مايهمني فيه مليون طريقه اوصلك فيها.. ومثل ماوصلت لبيتكم أقدر أوصل لغرفتك واسحبك قدام أهلك لوأبي..وشوفي العلبه هذي ترى فيهاهديه لك.. فيهاحبوب ..حبوب مخدرات يعني لاتستغربين..هذيالحبوب لوأبلغ الحين الشرطه انمسك ابوك وانسجن عشر سنين عالأقل.. ولوقهرتيني زياده حبه وحده احطها بسيارة ابوك ويروح فيها...افتحي جوالك وردي علي..} اخذت العلبه ورحت ركض رميتها بالشارع. ورجعت ارتجف لغرفتي وتلحفت من الخوف احس قلبي بيطلع. طحت بيدين مجرمين فتحت جوالي إلاوهو يدق. رديت انا: نعم ++:هلا انا:نعم اش تبي مني انت. ++:لاتتحديني انا: اتحداك بإيش اصلآ ايش يعرفني فيك عشان اتحداك. سالت دموعي ومرت أيام وعرفني على اصحابه الإثنين وصاروا يكلموني في أي وقت وبعد كل كم يوم يذكروني بالتهديد اللي علمهم عليه الراس الكبيره. وبعد فتره ماهي طويله.. نزلت دموعي مع هذه الكلمه. طلبوا مني اطلع معهم لشقه مستأجرها لهم صاحبهم اللي عرفهم علي كانت شقق عوايل لكن صاحبهم بسبب كثرة معارفه قدر يستأجرها لهم ويسكنهم فيها وهم عزاب. ومع الضغط والتهديد ووعودهم لي انهم بعدها بيتركوني ولاراح يضروني أبد. وان طلعتي هذي معهم بتكون قصيره مره وانهم بيحافظون علي مثل أختهم.وإنهم ماراح توصل فيهم النذاله انهم يسوون فيني شي واناماضريتهم. اناصدقتهم وقلت اني بسوي اي شي وأفتك منهم.وكلهانص ساعه وترجع حياتي مثل أول وارتاح من تهديدات هالمجرمين.. طلعت في يوم من الأيام كأني بروح الجامعه وانا داخله الجامعه لالا مجموعه من الشباب يناضرون فيني والله من كثر الخوف طاحت شنطتي
طيب اش رائيكم البي طلبهم ولالا والله تعبت معاهم مستواي نزل وكل شى نزل او عندكم اي اقتراح قولولي

اختكم في الله : فرح

بدون اسمالمشاكل الاجتماعية


أكثر...