ممكن آخد رأيك فى الموضوع ده.. و جزاكم الله خير

دلوقتى فى بنت على النت كنت بكلمها و هى أكبر منى بسنتين او تلاته و قالتلى انها بتحبنى ..هى اللى قالتلى الاول بس بصراحة لما أنا حسيت بده و سألتها
و بعدين انا حبيتها بس مقولتلهاش
و فضلت اتكلم معاها حوالى 3 شهور
و هى شافت صورتى بس انا مشفتش صورتها عشان هى بنت و كده
المشكلة ان شخصيتها مش عاجبانى لأنها اجتماعية اوى بالزيادة و بتتعامل معايا بندية و أنا بحب البنت تكون خجولة و هادية و مطيعة
كمان هى تفكيرها غير تفكيرى
غير كل ده أنا لسه طالب و مش جاهز للجواز و المسؤولية دلوقتى و ماديا ولا نفسيا
عشان كده مكنتش بطلب منها رقم تليفونها أو انى اقابلها لأنى مكنتش عايز اخدعها
بس فى مرة قولتلها أنا عايز اشوفك و اقابلك و كده و بعدين قولتلها بسرعة خلاص انسى
اللى قولتهولك ده
بس هى فضلت تقولى عايز تقابلنى ليه؟ و كده
و انا مردتش عليها
فالظاهر هيا فهمت انى مبحبهاش و انى مش عايز أخطبها و كده
مع انى بحبها
فجات من كام يوم و قالت انها مش هتدخل النت تانى و كده
و انا قررت انى هنساها عادى و خلاص
بس اللى مزعلنى اوى انها كانت بتحبنى
و كمان هفتقدها و هيوحشنى الكلام معاها
مش عارف انا عملت الصح ولا الغلط
مش عارف المفروض كنت اقابلها و اخطبها لحد ما اتخرج و اخلص جيش و بعدين نتجوز ولا الجواز كان هيبقى فاشل..
انا صح ولا غلط؟

معاني الوفاء (أبو بكر محمد)العلاقات الإنسانية-المواقع والبرامج-العالم العربي-الكمبيوتر والإنترنت


أكثر...