دعم ++++++

من قال ان الدردشة مجرد تسلية ..؟؟!!

بسم الله الرحمن الرحيم

.1



كلنا نسمع عن الدردشات والمصايب الي تجي من وراها

وفي بعضنا يدخل الدردشة ويقول عادي بس سوالف وضحك

وفي بعضنا ما يدخل دردشة ويتتهم كل من يدخلها بالانحراف وانعدام التربية والاخلاق

يا ليتنا نفتح عقولنا ونفكر بالموضوع بعقلية اكبر

ما اقول ان الدردشة كلها فساد وقله حيا

لا بالع** فيها فوايد وفيها مصايب

بس فوايدها نقدر نعوضها باشياء ثانية

يعني مثلا

الدردشات فيها مسابقات ومعلومات ثقافية

واسئلة واجوبة وتحديات

مع ان اغلب الي يعملون المسابقات يعطون الاجوبة لاشخاص معينين

عشان الجوائز والسوابر المجانية ما تطلع برا

المهم اننا نقدر نعوض هالمعلومات والتحديات باماكن ثانية


يعني يا كثر المنتديات الي فيها اسئلة وتحديات ومافيها مثل الغش الي بالدردشات

وكذالك من ايجابيات الدردشة التعارف على ناس مختلفة عنك

يعني ممكن وحدة ماخذة فكرة غلط عن ناس معينين او مذهب معين

وتجي وتتعرف على وحدة ثانية من هالمذهب وتعرفهم اكثر وتشيل الفكرة الغلط الي براسها

وتكوين الصداقات والتفتح والبعد عن الانطوائية

وكل هالاشياء نلقاها بالمنتديات والمواقع

وبالتعارف والمحادثات الجماعية بالماسنجر يعني مولازم بالدردشة


************

اما اضرارها او بالأصح بعض من اضرارها

اول شي واهم شي وجود اشخاص وعيال بالتحديد يعتبرون منبع للوصاخة وكلام الشوارع

وياااااااااااااااااكثرهم والله

يكتبون لك كلام اول مرة تسمع فيه وممكن ما تفهمه

ولما يتكرر عليك هالكلام بتفهم معناه وتتعود عليه

ومافي مصيبة اكبر من ان الواحد يتعود عليه

ومهما كان منكر ومستحقر لهالناس وهالكلمات

مع التعويدة ممكن انت او انتي تقولينها والعياذ بالله

ومهما كان الواحد حريص على تجنب قراءتها .. ما راح يقدر

لان مافي شات مافيه من هالناس المتخلفة والكلام التافه هذا


*****

(( نقطة ثانية ))

التدرج بالخطا ومهما كان الشخص متمسك لازم يتمادى لاخطاء اكبر من الاولى

يعني البنت بالبداية ما تدخل الا مع الي تعرفهم تـتـفق مع صديقتها ويتقابلن بشات

وشوي شوي تنزل من الخاص مع صديقتها وتقعد تسولف بالعام

وطبعا تكون مسكرة الخاص خوفا من مضايقات الشباب

وتضطر انها تفتح الخاص عشان وحدة بالعام طلبت منها كذا
فيرسلون لها الشباب .. وتطنش .. وتطنش .. وبعدين تطيح الميانه وتدخل معهم
اول شي تتكلم برسمية وعلاقة سطحية وما تقابلهم الا بوقتها

بعدين تتواعد معهم متى تدخلون والساعة كم

بعدين تعطيهم الايميل وكذا نكون وصلنا للحافة

وتعرفون اذا تكلمو بالايميل وش راح يجي من ورا هالشي من مكالمات وصور وممكن لقاء

والعياذ بالله

والبنت للاسف عندها عاطفة زايده ومحتاجة تحب

وممكن تتعلق فيه بكل سهولة وتعطيه الي يطلبه


******


وحتى لو قدرنا نـتفادى كل هالاشياء بالبداية

ما راح نقدر نتفادى الكذب والغيبه والسب

لان مافي حدا يدخل شات الا ويكذب سواء بعمره باسمه وباعذار

نضطر اننا نكذب فيها

تخيل تخانقت مع واحد وغلط عليك او على اهلك او اصلك او شرفك

معقولة تقدر تسكت وما ترد عليه

اكيد بتسبه وتلعن فيه وتغتابه عند الباقيين

مهما كنا حريصين في اشياء وذنوب ما نقدر نـتـجنبها بالدردشات


***********

((((((( واخيرا )))))))



الاغلبة يظن ان الشات قله ادب بس لان فيه بنات وشباب

ما انكر ان هالشي هو السبب الرئيسي للفساد بالشات

بس مو هو الوحيد

يعني حنا هنا بالمنتديات بنات وعيال وبالع** كلنا زملاء واخوان قبل كل شي

وانا وحدة غلطت ودخلت عالم الدردشة

وعرفت الصالح والطلح منها

والحمد لله انه ما خلاني اتمادى للاخطاء الكبيره

الحمد لله الي هداني للتوبة

وقدرني على كتابة هالمقال

لكل من يدخل الدردشة احذر ثم احذر ثم احذر

وتذكر ان الله فوقك

لكل من لم يدخل الدردشة ويستحقر كل من دخلها

قد يكون داخلها يستخدمها بطريقة صحيحه لانه في بداية الطريق

فانصحه ولا تستحقره فقد يكون قمه في الاخلاق والصلاح ولكنه لا يعرف مضارها

\
\

*~ارجو المشاركة في النقاش بالاجابة على هذه الاسئلة او بعضها ~*

\
\

1- ما رايك بالدردشة (( مجرد تسلية \ انواع الفساد \ غير ذلك واذكره لنا ))..؟؟

2- ما اسباب الدخول الى الدردشة مع وجود الماسنجرات والمنتديات وغيرها للتسليه ..؟؟

3- ما اكبر اضرار الدردشة ..؟؟

4- ما نظرتك لكل من يدخل الدردشة ..؟؟

5- هل سبق ان دخلت دردشة وما نظرتك عنها من اول تجربة ..؟؟

6- ما النسبة المئوية لصحة هذا الطرح ..؟؟

7- نصيحه لرواد الدردشة ..

8- اضافة من عندك ..

****


آسفة على الاطالة والكلام الزايد

اتمنى يعجبكم طرحي والاستفادة منه

ارجو نشره نصيحه لكل من يدخل او يفكر بدخول ((عالم الدردشات))

ولكم من القلب اجمل تحية

زهرة من ذهبGoogle إجابات


أكثر...