قصه حزينه ..ارجو المشاركه بالرأي

السلام عليكم ورحمه الله وبركاته
كنت لا احب ان اعرض مشاكلي على الناس ..فالشكوى لغير الله مذله ..ولكني نفسي افضفض بجد لاني مخنوووووق
امي وابي يتشاجران طول الوقت ..وبيطعلوا غلهم فيها من صغري
وانا في رابعه ابتدائي ابوي اتخانق مع امي بالشارع وضربها والناس حاشوا عنها المهم رجعت البيت ودبت معايا خناقه بلا سبب وانا ساعتها كنت طفل عندي تقريبا 10 سنين وفضلت تضرب فيا بحزام به قطعه حديد في نهايته ففتحت راسي وفيه علامه في دماغي لحد دلوقتي لا ينبت فيها شعر وكمان وصتني لو ابويا سألني ايه اللي حصل اقوله اني وقعت على السلم والا هيطردها من المنزل وانا بكل عبط وطيبه قلتها حاضر يا امي لن اخبره
امي ابي هو الاخر فهو يعمل كمفتش تموين وهي مهنه اشبه بمخبرين الشرطه ..فهو دائم التربص بنا وكانه ينام فاتح عين وقافل الاخرى ودايما كنت اخرج من المدرسه الاقيه مراقبني وماشي ورايا ..وانا في 2 اعدادي طلعت من امتحان مع واحد صاحبي اسمه ابراهيم ودخلنا محل بلايستيشن لاجل ما نهوي عن روحنا ..لقيت ابويا فوق راسي وراح جرني امام الناس وفضل يقرص فيا طول الطريق بغباوه وغل لدرجه ان جلدي كان يصبح لونه ازرق ويأمرني الا ابكي او ادافع عن نفسي ..وعندما رجعنا البيت ..أمرني بخلع ملابسي ..ترددت وانا ابكي واقول له مش هعمل كده تاني والله العظيم ..كان يلطشني ويقول اقلع ..المهم خلعت ملابسي وانا بالملابس الداخليه فقط فضل يضربني بسلك كهرباء لما كانت كل ضربه وضربه مثل الكرباج تقطع في لحمي تقطيع
وفي مناسبه اخرى ..وانا بالصف الثاني الثانوي ..وكانت الفاجعه الاكبر ..عندما علمت ان لي اخت من اب تاني ..اي انها اختي من جهه امي ..ابوها طردها وجائت لتعيش معنا ...والدي وافق ..وللاسف حبتها جدا واحسست فيها الصدر الحنون الذي سيعوضني عن الماضي ,,,ولكن والدي لم يتركها وكان دائم التحرش بها ,..كما انها كانت تعمل وكان يصر على ان تدفع نقودها بالكامل له وهو يعطيها المصروف ..وعندما تكلمت مع امي ان هذا حرام شتمتني !! وكأنها كانت موافقه وعلت صوتها لتسمع ابي ..وبالفعل قام انهال عليا ضربا ..وطردني في الشارع ..وفضلت اسبوعين في الشارع ..لانه حرض اهلي كلهم محدش يستقبلني عنده ,,...وكلهم كانوا بيخافوا منه ..دوقت المرار والذل ..ودوقت الجوع والبرد ..عشت زي اطفال الشوارع بالظبط
المهم ربنا اكرمني بالرجوع بعد ان كنت على شفا حفره من الضياع للمجهول ..واكرمني ربي بدخولي كليه الهندسه القاهره ..ومعاملت ابي وامي تغيرت الى حد ما ولكن ما زالوا بنفس العقليه ..دايما محسسني بالذل وانهم افضل من غيرهم وان ياما ابهات وامهات تانيين بيرموا ولادهم في الشارع ومش بيسألوا فيهم
كل ما اقول انسى واتابع حياتي ..كل مكان في البيت بيذكرني بعلقه او بذل ..كل تعبير من وشوشهم بيذكرني بالالم اللي عيشته في حياتي
فاضلي سنه واتخرج ان شاء الله ..لكن لن اترك حقي ..في يوم القيامه باذن الله هطلب حقي من ربنا ..يارب حقي من الذل والهوان اللي شفته على ايدين ابويا وامي ..حسبي الله ونعم الوكيل فيهم ..اتمنى اترك هذا المنزل الكئيب وتلك الوجوه المنافقه اللي احترمتني بس لما دخلت هندسه ..بس احترام يشوبه الحقد اشعر به جيدا ..متى الخلاص يا رب

بدون اسمGoogle إجابات-العلاقات الإنسانية-الحب-العالم العربي-الإسلام


أكثر...