هل يعتبر ابن تيمية من المجسمة؟

أكتر الأسئلة اللي ممكن تحير الأمهات هي أسئلة أطفالهم المتعلقة بالله .. وأشهر هذه الأسئلة علي الإطلاق سؤال :ربنا شكله أيه؟


هنا بالذات بتحصل الورطة، وغالباً الأم بتقع في حيص بيص. والسبب إن عقل الطفل لا يستطيع أن يستوعب بعد معني التجريد.
يعني لو جابوت الطفل بالجواب القرآني : لَيْسَ كَمِثْلِهِ شَيْءٌ ..أو حتي قالت له إن ربنا لَّا تُدْرِكُهُ الْأَبْصَارُ وَهُوَ يُدْرِكُ الْأَبْصَارَ مش هيفهم للأسف ..!

لكن الحقيقة يا جماعة إننا مصعبين المسألة جداً علي أنفسنا. ومصعبينها لأن هذه الإجابة القرآنية التجريدية ليست هي الإجابة الوحيدة اللي ممكن يترد بها علي الأطفال لأن واحد زي بن تيمية " رسول السلفية ونبيها " عنده إجابة تانية خالص، مختلفة تماماً، وإختلافها نابع من أنها ليست تجريدية بالمرة.

بن تيمية عنده وصف دقيق جداً لهيئة الله وشكله، بل حتي عمره !!
أيوة الله زي ما بقولك كده، فإبن تيمية بيقول إن الله (شاب) ..

وقبل ما تسألني وتقول وهو بن تيمية شاف ربنا فين إليك الإجابة:
في كتابه المسمي التاسيس في الرد على أساس التقديس يؤكد بن تيمية أن النبي محمد (ص) رأي ربه رؤيا العين، والكلام دا وصل لـ بن تيمية من حديث صحيح مرفوع عن بن عباس. وفي نفس الحديث بيقول أنه - أي الله - أمرد له شعر أجعد وعلى رأسه تاج يلتمع..
والشاب الأمرد هو اللي لسه دقنه مطلعتش. والأجعد هو اللي أقرب لوصفنا العامي بـ الأكرت.

ولأن جعبة الحاوي لا تنضب، وكذلك هي أيضاً جعبة الأحاديث، عن بن عباس بالذات، فابن تيمية في موضوع أخر بيقول إن الله سبحانة وتعالي كان وقتها لابس هدوم لونها أخضر، ومش كده وبس، دا كان لابس شبشب مصنوع من الذهب.

وزيادة في التفصيل بيقول أن النبي محمد لما رأي ربه رآه في روضة خضراء دونه فراش من ذهب على كرسي من ذهب تحمله أربعة من الملائكة.

شوفتي الإجابة سهلة إزاي؟ بس حذاري يا أختاه !
قبل ما تتهوري وتردي علي أولادك بهذه الإجابة - اللي أكيد هيفرحوا بيها لأنها أسهل علي عقولهم من الإجابة القرآنية التجريدية - لازم أقولك أن أي شيخ هيقفشك بتقولي الكلام ده هيقول عليكي مجسمة كافرة.

وقتها هيقولوا لك إن الحنفية قالوا إن المجسم كافر. وأتباع مالك قالوا إن المجسم كافر. والشافعية قالوا أن التجسيم الصريح كفر. والحنابلة قالوا إن التجسيم كفر لعلماء المجسمة، أما عامتهم فلا.
والمدهش أن كلهم هيقولوا لك إن التجسيم بدعة إبتدعتها الشيعة قبحهم الله !!

طب بالنسبة لإبن تيمية يا عم الشيخ، كان رافضي شيعي كافر ولا أيه نظامه؟؟
وقتها هيقولك : إخرسي يا كافرة !! لحوم العلماء مسمومة ..

alex_ghost (alex ghost)التاريخ-Google إجابات-الأديان والمعتقدات-العالم العربي-الإسلام


أكثر...