شركة انترنت اورانج وجرائم العقود السنوية بحق المواطنين .. احذرو اورانج

بسم الله الرحمن الرحيم

للاردنين انا انصحكم بالابتعاد عن شركة انترنت اورانج وعروضها الوهمية وخاصة العقد السنوي .. انا اشتركت معاهم على سرعة 4 ميقا واتفقت مع الموظف اذا ما وصلت السرعة المطلوبة بانه رايح يفصل الخط وينهي العقد السنوي بدون اي رسوم اضافية . وبعد ما وقعت العقد اللي طبعا ما قرات منه اي شيء وصلني الخط ثاني يوم والسرعة كانت واحد ونص ميقا .. رحت راجعت الموظف اللي عمل البحور مقاثي وورطني بالخط واسمه مهند في فرع اربد قال انا بعرف انه ما بيوصلك سرعة 2 ميقا لكن في اجراء رفع سرعة ووعدني تتحسن السرعة . طبعا الاجراء اللي عمله انرفض لان المنطقة الي انا فيها اغاية 2 ميقا فقط .. ولما رجعت للموظف اللي استمات عشان يورطني بالخط قال لي انا ما بقدر افصل الخط روح راجع المسؤلين بالشركة . وطبعا انا دخلت في دوامة الموظفين هذا يرميني على هذا الخ..... وبدون نتيجة
خطر ي في بالي الجا لهيئة تنظيم الاتصالات وتبين انه دورها هو فقط تقسيط المستحقات اللي عليك
انا ما دفعت غير اول شهر وهذا الحكي من شهر 9 الماضي وللان وحتى هذه اللحظة اورانج تفرض علي رسوم شهرية بدون اي وجه حق وكل ما اراجعهم بحكو ادفع بعدين تعال نتفاهم


انصح كل الاردنيين بتجنب العقود السنوية لانها مثل اللي بشتري سمك بالمي . العقد شريعة المتعاقدين هذه قيمة انسانية رائعة لكن الها شروط .. انك تعاين بنفسك المنتج او الشي اللي تريد شراءه وطبعا عقود اورانج لا تنطبق عليها هذه القيمة العدلية لانك بتشتري وبتوقع قبل ما تعاين بنفسك . واذا طلبت من الموظف انك تجرب الخط بعدين تشترك بالعقد السنوي بيتطلع عليك نظرة كانك شتمته في عرضه ..
مع الاسف القانون بحميهم وبيضمن الهم طرق (شرعية او مشرعنة ) للنصب على المواطن .. ليش لا ؟ خليهم يعملو 100 عقد سنوي كل يوم والمواطن بهرب ومرجوعه يدفع تحت امر القانون وبالنسبة الهم في اورانج مش مهتمين لو تاخرت بالدفع لانهم اصلا ما اعطوك شي !!
ارجو تكون تجربتي مع اورانج مفيدة لاخواني الاردنيين حتى ما يكون في ضحية جديدة لشركة اورانج

معاوية رويليGoogle إجابات-الكمبيوتر والإنترنت


أكثر...