كيفية التعامل مع عائلتي ؟

السلام عليكم و رحمة الله و بركاته

أنا طالبة في الثانوية العامة ، كنت دائماً من المتفوقات و تقريباً كانوا أهلي يكافؤني على تفوقي
بس كنت للأسف ما اختلط بأحد ، حتى استحي اكلم أفراد العايلة ، طبعاً الوالدة تشوفه شي إيجابي و صح
بس رغم إني كنت في الإعدادية كنت متيقنة إن انعزالي أكبر غلط ، و راح يأثر على شخصيتي ، كانت شخصيتي ضعيفة
يعني حتى لو لحد غلط بحقي و ييت أكلمه أحط الغلط علي و أصيح لأني خايفة منه ، كنت بالنسبة لعائلتي في الإعدادية ملاك و حياتي مميزة بس بالنسبة لي لا ، كنت أتعذب من شخصيتي و أعاني وايد ، كان تفوقي مجرد تفريغ للعصبية اللي فيني و زعلي ، في الثانوية قررت أتغير و أختلط بالناس ، و صرت اقعد مع أهلي و أسولف بس للأسف كنت أتوبخ و تعبيري عن رأيي عندهم " تمرد " ضايقني الموضوع و عرفت إن ما يحق لي أعبر عن رأيي في عايلتنا ، و مستواي بدأ ينزل ، بصراحة الدراسة أبداً مب اهتمامي و لكن أدرس و أسوي اللي مطلوب علي كأي طالبة ، كنت راضية عن شخصيتي و التطورات اللي صارت معاي بس مب راضية عن ردة فعل أهلي ، و في الثانوية العامة صارت الأمور أسوء ، لما قررت أدخل التخصص اللي يرضيني ، و أسعى للنسبة اللي تحقق لي الموضوع ، أمي غضبت علي و خلت كل اللي حولي ما يعبروني ، رغم إني من المتوفقات و لا زلت و لكن مب مثل قبل ، إلا أن محد فيهم يعبرني ، لا باحتفال بسيط و لا حتى بهدية و لا حتى بكلمة مبروك ، و أختي رغم إنها ما تهتم إلا إنها تحصل على أجدد الموبايلات ، و الكل يسأل عنها ، و ما يكتمل اليوم من دونها ، بديت أحس بعدمي في الأسرة و قررت انعزل مرة ثانية ، و أنا ادري إنه غلط ، سؤالي ، كيف أرضي نفسي و أهلي بنفس الوقت ؟ إني أكون اجتماعية و شخصيتي قوية و إن امي تكون راضية علي ، للعلم أمي يهموها الناس وايد بخارج حدود المعقول ، ة سؤالي الثاني هل تخطيطي لحياتي بالطريقة اللي ترضيني غلط ؟ و تغضب ربي لأنها اغضبت امي ؟ مع إنها و الله مب خارج شرع الله و كلها مجرد تخصص و نسبة و مستقبل لا غير ، للأسف مهما أحاول أطنشهم و أزعل عشان ألاقي اهتمام ، تكون ردة الفعل غضب و دعاء و تجريح ، ساعدوني

بدون اسمGoogle إجابات


أكثر...