âœژ ط*ط¨ ظ…ظ† ط§ظ„ظ†طھ ( 18 ) ...

" الحلقة الثامنة عشر "


حماده جاب لحنين ساندوتشات فول من العربيه
وقالها وهو مبتسم : ادينى جيت ليكى ساندوتش فول عربيه اهو
حنين كانت مش لاقيه حاجه تقولها كانت م**وفه من نفسها اوى انها ظلمت حماده وافتكرت انه انشغل عنها فى حاجه تانيه مكنتش تعرف انها طول الوقت اللى بتكون فيه معاه كان حماده بيفضى دنيته كلها عشانها هى وبس
وركبوا وراحوا المنتزه كانت اول مره حنين تتمشى فيها او تروحها وكانت هى وحماده ماشيين سوا وهو ماسك ايديها وفضلوا يتكلموا وشويه وحنين لاقت حماده مسك ايديها وباسها كانت اول مره حماده يعمل حاجه زى كده
حماده : انا اسف بس فعلا كان لازم ابوس الايد دى عشان هى تستاهل
حنين اتلخبطت وات**فت ولا عرفت ترد ولا عرفت تعمل حاجه واكلوا سوا وحماده فضل يأكل القطط اللى فى المنتزه اكل حنين
حنين : هو الاكل مش حلو اوى كده عشان تفرقه للقطط
حماده : لا طبعا بس هم جعانين وانا عايزك تأخدى الثواب معايا
ولتانى مره حنين مش تلاقى حاجه تقولها لحماده وكان اليوم تحفه وخدها حماده عشان تروح المره دى عشان مش يحصل زى كل مره وراحوا المحطه قبل القطر بشويه وحماده ماشى مع حنين خبط فيه واحد من العمال هناك حماده زعق معاه واتقلبت خناقه فى ثانيه وحنين مش عارفه تعمل ايه خايفه على حماده وعايزه تحوشه وحماده كل اللى همه انه يبعد حنين ركبها القطر وراح يكمل خناق وحنين واقفه على الباب راحت نزلت له ووقفت جانبه الناس قالوا بلاش تتخانق انت معاك واحده عشان متتبهدلش معاك يبص حماده جانبه يلاقى حنين واقفه محتاسه وخايفه
شخط فيها انا مش قولتلك اركبى القطر نزلتى ليه
حنين : يعنى اسيبك لوحدك
حماده : اسمعى الكلام اتفضلى ( بس كان بصوت عالى )
حنين : انا خايفه عليك
حماده : انتى كده هتوترينى زياده من فضلك اركبى وروحى
مشيت حنين وبرضه فضلت واقفه على باب القطر والخناقه بدل ما بقت مع العامل اتدخل واحد من الناس وكان كمان عايز يضرب حماده لحد لما الناس هدوا الموقف ومشى القطر واول ما اتحرك حماده اتصل بحنين واول حاجه قالها لها : من فضلك اسمعى الكلام لما اقولك على حاجه مش انا اكون واقف والراجل يقولى عيب تتخانق وانت معاك المدام
حنين : انا والله كنت خايفه عليك هم كتير وانت لوحدك
حماده : انا اعرف ادافع عن نفسى لكن طول ما انتى معايا هخاف عليكى اكتر ومش هعرف اتصرف صح
حنين : حاضر بس اقولك على حاجه من غير ما تزعل منى انت غلطان انك اتخانقت مش عشان انا معاك لا
حماده : عارف عشان اتخانقت مع راجل كبير صح
حنين : ايون صح
حماده : انا كمان متضايق اوى عشان عملت كده معرفش ليه اعصابى فلتت حقك عليا
حنين : انا مش زعلانه منك انا زعلانه عشانك كان ممكن الراجل يحصل له حاجه وهو كبير وانت زقيته جامد
حماده : انا مش عارف مالى حقك عليا
حنين : الحمد لله جات سليمه المهم انا انبسطت جدااااااا معاك
حماده : يا سلام
حنين : ايون كفايه فول العربيه ده انت بجد الكلام قليل عليك
حماده : امال ايه يا بينتى انتى معاكى واحد مش اى كلام
حنين : ربنا يخليك ليا اول لما اوصل القاهره هكلمك
وقعدت حنين طول الطريق لحد لما كانت عند بنها كده ولاقت مامتها بتتصل بيها
انتى فين يا حنين
حنين : انا راكبه وجايه فى ايه
مامتها : ايون يعنى فين بالظبط
حنين : فى ايه يا ماما هى دى اول مره اخرج الساعه لسه 5 فى ايه
مامتها : خلصى بسرعه وتعالى
حنين خافت اوى قالت لمامتها : فى حاجه
مامتها : مفيش خلصى وتعالى
شويه تانى ولاقت اختها بتتصل بيها
اختها : انتى فين
حنين : هو فى ايه راكبه المترو وجايه اهو فى ايه
اختها : طيب خلصى وروحى

________________________________

يارب تكون عجبتكمـ بكرة إن شاء الله الحلقة التاسعة عشر



أكثر...