حد مصري يقولي احنا هنستفاد ايه من اللي بيحصل من بعض الناس

بداية العنوان ده
قد يظن البعض انه الشخص اللي كاتب العنوان ده اخوان او مع الاحزاب الاخري اللي ضد الاخوان
ولكن انا كتبته عشان اقول انا كمواطن مصري شاب هستفاد ايه من التناحر السياسي اللي بيحصل دلوقتي ؟؟؟؟؟؟؟؟؟؟؟؟؟
ولا شئ
وعشان كده احنا كمصريين نسينا حاجة مهمة كانت اسمها عيش حرية عدالة اجتماعية
اخر ثلاث كلمات دول مش مهم انهم يتحقوا علي ايد عسكري اواخواني او ناصري او حتي يهودي
المهم يتحققوا وخلاص
وهنا السؤال
ليه حاسس ان مصر عاملة زي التورتة وكله عاوز ياخد منها حته؟؟؟
فين احنا الشعب
يعني مثلا لو جه المشير لحكم مصر بناء علي رغبة من مجموعة كبيرة من الشعب وكافة موسسات الدولة

يبقي لازم يستفيد من اللي قبله وقبل اللي قبله
يبقي مقدموش غير طريق واحد بس انه ينقذ نفسه اولا وينقذ الشعب كله
وقبل كل ده ينقذ المؤسسة العسكرية ,,,,,,,,,,,,,,, اشمعني المؤسسة العسكرية ؟؟؟؟؟
لان لو فشل زي اللي قبله ......الشعب هيقف ضد المؤسسة العسكرية وده لاقدر الله
لان الشعب فاض بيه وملهوش عزيز زي المثل مابيقول
حبيبي النهاردة بكره معرفكش
وبالتالي اقصد من الكلام ده كله ان مش مهم مين اللي يحكم المهم هو يعمل ايه ؟؟؟؟؟؟
لو حقق مطالب الشعب وقدر انه يعمل طفرة اقتصادية رهيبه في مصر يعني عيش وحرية وعدالة اهلا وسهلا
لو معملش حاجة زي اللي قبله تبقي كارثة لان ساعتها هيبقي صدام مع المؤسسة العسكرية لاقدر الله



يعني من الاخر مقدموش الا طريق واحد ينقذ نفسه اولا من الشعب اللي ملهوش عزيز
وفي الاول وفي الاخر انا مؤمن ان الشعب عاوز قائد حازم يدرك المخاطر اللي حولينا ويقدر يفهم ان في مصر اكثر من 60% من الشعب المصري شباب يااااااااااااااااااااااه
ديه قدرة بشرية هائلة يقدر يخلي بيها مصر من اقوي دول العالم
وبالتالي يسطر لنفسه تاريخ يقدر يخلي اللي كارهينه ياخذه مثل اعلي
وخير كلامي علي كده محمد علي باشا لما اختاره غالبيه المصريين ايمانا منهم انه قائد محب لمصر مع انه لم يكن مصريا
ومشوا معاه للاخر وعمل مذبحة المماليك التي تعد نقطة سوداء في تاريخه الا انه قدر يخلي مصر قوة عظمي في العالم اجمع
عسكريا وعلميا وكل شئ
يبقي المشكله هنا في القائد اللي يقدر يكون بحزم وصرامة محمد علي باشا وذكاؤه في التعامل مع موارده البشرية قبل الطبيعية
والسؤال هنا لازم الشعب المصري يتعامل مع الرئيس الجديد علي مبدا العقد
يعني مثلا انت هتعملي كذا وكذا وكذا في مقابل ان انا هنتخبك وهرشحك للولايه اخري
يبقي الخلاصة بعد كله مش مهم مين اللي جاي المهم هيعمل ايه لينا
ده واحد
تاني حاجة لازم الشعب يشترط علي الجاي يعمل كذا وكذا وكذا زي العقد مابيقول ولو اخليت بكده الشعب هيرميك في السجن زي الي قبلك تمام لان مصر اهم واغلي شئ عندي بعد ربنا سبحانه وتعالي ولازم نرجعلها مكانها الطبيعي بين الدول
تالت حاجة وديه الاهم ان الشعب يبقي مفتح عينيه كويس للي هيحكم علي راي المثل قاال يافرعون ايه فرعنك قال ملقتش حد يحكمني

واخر حاجه يااااااااااااااااااااااااااااااااااااااااااااااااا اااااااارب الخير لمصر علي ايد اي حد مهما كان انتمائه الح**ي بس بشرط انه لا يكن انتمائه الح**ي اكبر من انتمائه لمصر يبقي ساعتها اقول عليه انت مش مصري ومستحقش تكون فيها

وشكرا

بدون اسمGoogle إجابات-العالم العربي-مصر


أكثر...